ឯកឧត្តម អ៊ុំ សារឹទ្ធ ប្រធានគណៈកម្មការសាធារណការ ដឹកជញ្ជូន អាកាសចរស៊ីវិល ប្រៃសណីយ៍ ទូរគមនាគមន៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃព្រឹទ្ធសភា (គណៈកម្មការទី៩) បានអញ្ជើញចូលរួមកិច្ចប្រជុំតំបន់អាស៊ី-ប៉ាស៊ីហ្វិក សភាប្រើភាសាបារាំង APF (Assemblée Parlementaire de la Francophonie)។
កិច្ចប្រជុំនេះប្រព្រឹត្តទៅតាមរយៈប្រព័ន្ធនិម្មិត នាវេលាម៉ោង៩:០០នាទីព្រឹកថ្ងៃទី០៧ ខែមិថុនា ឆ្នាំ២០២៤ នៅវិមានព្រឹទ្ធសភា ដោយមានរបៀបវារៈប្រជុំរួមមាន៖
១.ការអនុម័តរបៀបវារៈ
២.បច្ចុប្បន្នភាពនៃក្រុមសភាជាតិ-APF និងការផ្លាស់ប្តូរមតិ
៣.ការតែងតាំងបេក្ខភាពទៅតាមមុខងារនៃការបោះឆ្នោតជ្រើសតាំងនៅក្នុងសភាប្រើភាសាបារាំង
៤.ការត្រៀមរៀបចំមហាសន្និបាតតំបន់អាស៊ី-ប៉ាស៊ីហ្វិក-APF លើកទី១១
៥.សមាសភាពនៅក្នុងតំបន់ និងវិភាគទានរបស់ក្រុមសភាជាតិ-APF នៅក្នុងតំបន់
៦.ព្រមទាំងបញ្ហាផ្សេងៗ។

សូមជម្រាបថា សមាសភាពនៅក្នុងតំបន់អាស៊ី-ប៉ាស៊ីហ្វិក សភាប្រើភាសាបារាំង (APF) រួមមាន៖ កម្ពុជា វៀតណាម ឡាវ នូវែល-កាឡេដូនី (Nouvelle-Calédonie) ប៉ូលេនស៊ី-បារាំង(Polynésie française)។

ប្រភព៖ នាយកដ្ឋានព័ត៌មាន